Кісі есімі ұлағатымен қанша сақталса, сонша өмір сүреді... . Сондай жандардың арасында техникалық және кәсіптік білім беруді дамытуда елеулі рөл атқарған, біздің колледж тарихында алтын әріптермен жазылған есім - өндірістік оқыту шебері Владимир Иванович Фартушкевич.\r\nВладимир Иванович 1952 жылы 14 маусымда Қарағандыда дүниеге келген.\r\n Мектепті бітіргеннен кейін №59 Қарағанды кәсіптік училищесіне түсіп, 1969 жылы жарықтандыру желілері мен күштік электржабдықтары бойынша 4-разрядты электромонтажшы мамандығын алды.\r\n1967 жылы Қарағанды облыстық партия комитетінің сұранысымен №59 ГПТУ үздік түлектерінің қатарында В.И. Фартушкевич Қарағанды қаласының облыстық телевизия студиясына жұмысқа жіберілді. Владимир Иванович мамандығы бойынша жұмысты марксизм-ленинизм университетінің журналистика және режиссерлік шеберлік курстарында оқумен сәтті ұштастырды. \r\n1970 жылы Владимир Иванович Солтүстік флотта КСРО Қарулы Күштерінің қатарында қызмет етті. Екі жыл ішінде қатардағы жауынгерден аға сержантқа дейінгі жолды өтті. Арнайы мақсаттағы қалқымалы құралдардың электромеханиктері взводының командирі қызметін атқарды. Демобилизациядан кейін ол теледидарда жұмысын жалғастырды.\r\n1983 жылы өзі бітірген №59 ГПТУ басшылығының ұсынысымен өндірістік оқыту шебері лауазымына жұмысқа шақырылды. Педагогикалық білім алу үшін Владимир Иванович Қарағанды индустриалды-педагогикалық техникумын бітіріп, өз тәжірибесін шебер ретінде бір кездері өзі сияқты болған балаларға дарытудан бастап кетті.. \r\n1997 жылы Владимир Иванович №26 СПТУ-ға (қазіргі Қарағанды техника-құрылыс колледжі) ауыстырылды. Аталған колледжде соңғы күнге дейін өндірістік оқыту шебері болып жұмыс атқарды.\r\nӨз сабақтарында Владимир Иванович балаларға электрмонтаждау техникасы туралы білімді меңгеруге, ойлауға және шығармашылыққа, еңбекқор, коммуникативті және кәсіби мобильді болуға үйретті. Владимир Ивановичтің басшылығымен колледж студенттері қалалық, облыстық және республикалық техникалық шығармашылық конкурстарының жүлдегерлері мен жеңімпаздары болғаны бекер емес. \r\nВладимир Иванович тұрақты жетекшілік еткен техникалық шығармашылық үйірменің студенттері өнертапқыштықпен айналысты, сондай-ақ техникалық аспаптарды жетілдіру бойынша рационализаторлық ұсыныстар енгізді. Сөзсіз, қалалық, облыстық «Жас Талап» байқауларының бірнеше дүркін жеңімпаздары атанды. \r\nМәселен, 2006 жылы облыстық байқауда «Құмырсқа -1» аспабы 1-нші орынға ие болды, ал 2010 жылы «Скат-1» аспабы да 1-нші орынға ие болды.\r\n2012 жылы «АМФИБИЯ-1» қоғамдық және жеке ғимараттарының жүзу бассейндерінде үздіксіз айналым мен суды тазартудың автоматтандырылған экологиялық қондырғысының қолданыстағы моделін ойлап табу «Болашақ бүгіннен басталады» республикалық науқаны аясында Қарағанды қаласы жастарының инновациялық, әлеуметтік және сәулет-құрылыс, көркемсурет жұмыстарының қалалық көрмесіне қатысушының сертификатымен марапатталды. Дәл осы модель «Болашақ эргономикасы» энергия үнемдеу және экоқорғау идеяларының үшінші республикалық байқауының бағалы сыйлығымен және сертификатымен марапатталды. Дәл осы өнертабыс «Болашақ бүгіннен басталады» республикалық компаниясы аясындағы инновациялық, әлеуметтік жобалардың қалалық көрмесінің сертификатымен атап өтілді. \r\n2013 жылы «АМФИБИЯ-1» аспабы «Менің арманымдағы үй» жобасында және «Жастар –ЭКСПО 2017» инновациялық жобалар конкурсы шеңберінде пайдаланылды. 100 мың теңгелік ақшалай сыйлықпен 1-орынға ие болды. Осы жоба оқушылар мен студенттердің «Жас Ғалым» ғылыми жұмыстарының ІІ байқауында І- орын алды.\r\nВладимир Иванович өндіріске жүздеген жұмысшы мамандарды дайындады. Оның көптеген түлектері қазір Қазақстанда және шетелде кәсіпорындардың басшылары да болып жұмыс атқаруда.\r\nПедагог Владимир Иванович Фартушкевичтің энергетика саласына мамандар даярлау ісіндегі көпжылдық және жасампаз еңбегі көптеген Алғыс хаттар және грамоталармен марапатталды. \r\n\r\nМарапаттаулары:\r\n1989 ж. «Еңбек ардагері» медалімен марапатталған.\r\n2004 ж. Қарағанды облысы білім басқармасының Алғыс хаты.\r\n2008 ж. Қарағанды облысы білім басқармасының Құрмет грамотасы.\r\n2010 ж. «Нұр Отан» ХДП Қарағанды қалалық филиалының дипломы.\r\n2012 ж. Қарағанды қаласының Ішкі саясат бөлімі бастығының және «Детство» мемлекеттік емес мекемесі директорының Алғыс хаты.\r\n2012 ж. ТжКБ студенттерінің техникалық шығармашылығының Республикалық көрмесіне, «Кәсіп. KZ» алғашқы Жастар республикалық слетіне қатысқаны үшін Диплом және Алғыс хат.\r\n2012 ж. Облыстық ғылым және білім кәсіподағы комитетінің грамотасы.\r\n2012 ж.Қарағанды облысы әкімінің «Өндірістік оқытудың үздік шебері» номинациясы бойынша Диплом және сыйлық.\r\n2012 ж. Техникалық және кәсіптік білім беру оқу орындарының директорлар кеңесінің республикалық комиссиясының шешімімен кандидатурасы «Қазақстан Республикасының техникалық және кәсіптік білім беру жүйесінде «Кім кім екен» элиталық кітабына енгізуге мақұлданды.\r\n2014 ж. ҚР Білім және ғылым Министрінің Алғыс хаты.\r\n2019 ж. Қарағанды облысы білім басқармасының Алғыс хаты.\r\n2020 ж. Қарағанды облысы білім басқармасының Құрмет грамотасы.\r\n\r\n\r\n
